.png "가평")
ខ្ញុំបានទៅភោជនីយដ្ឋាននៅក្បែរទីស្នាក់ការអភិបាលក្រុងដែលទទួលបានការគាំទ្រដោយបុគ្គលិកការិយាល័យអស់រយៈពេលជាង ៣០ឆ្នាំមកហើយ. ម្ហូបប្រចាំប្រទេសកូរ៉េ, តុអាហារទាំងមូលបានរៀបចំរួចរាល់. ផ្លាកសញ្ញាគឺរបៀបត្រឡប់ទៅអតីតកាល.
មុខម្ហូបនៅទីនេះគឺគេដឹងឮដល់មនុស្សជាច្រើនហេតុដូច្នេះវាពិតជាល្អដែលមកទីនេះជាមួយនឹងមិត្តភ័ក្រឬក៏អ្នករួមការងារ. នៅក្បែរទីនេះក៏មានគ្រឹះស្ថានអប់រំឯកជនអញ្ចឹងពួកគេនិយាយថាមានអ្នកធ្វើការរដ្ឋជាច្រើនមកទីនេះ.
ភោជនីយដ្ឋាននេះក៏ល្បីឈ្មោះជាមួយនឹងមុខម្ហូបមឹកឆាហឹរហេតុដូច្នេះខ្ញុំនឹងសាកល្បងញ៉ាំវាលើកក្រោយ, ហើយថ្ងៃនេះខ្ញុំនឹងសាកល្បងញ៉ាំប៊ូដេជីហ្គេ (សម្លទាហាន) ជាមួយនឹងសូជូមួយកែវ.
ខ្ញុំបានស្វែងរកនៅលើវេបសាយហើយរកឃើញថាខ្ញុំអាចកម្មង់សម្លនេះសម្រាប់មនុស្សម្នាក់សម្រាប់បាយមួយពេលក៏ប៉ុន្តែខ្ញុំគិតថាវាសម្រាប់តែពេលអាហារថ្ងៃត្រង់តែប៉ុណ្ណោះ.
ម្ហូបបន្ថែមគឺខុសគ្នាពីមួយថ្ងៃទៅមួយថ្ងៃ. វាមានបែបបទបានល្អនិងគ្រឿងបានគ្រប់គ្រាន់.
ម្ហូបបន្ថែមអាចជាមូលហេតុដែលភ្ញៀវមកញ៉ាំអាហារនៅភោជនីយដ្ឋានម្ហូបកូរ៉េ.
លោកអ្នកអាចកម្មង់សម្លនេះសម្រាប់មនុស្សពីរនាក់ឡើងទៅនៅពេលល្ងាច. វាមានគ្រឿងផ្សំជាច្រើនដូចជាសាច់ក្រក, តៅហ៊ួរ, មីសួរ, សាច់ហេម, សាច់ចិញ្ច្រាំ, លៗ.
ឥឡូវនេះរង់ចាំឲ្យទឹកស៊ុបវាពុះ.
ខ្ញុំបានកម្មង់សម្លនេះសម្រាប់មនុស្សពីរនាក់សម្រាប់តែខ្ញុំម្នាក់, ហើយសម្លនេះគឺគ្រប់គ្រាន់ហេតុដូច្នេះខ្ញុំមិនបានបន្ថែមមីនោះទេ.
ប៊ូដេជីហ្គេមានរសជាតិកាន់តែជ្រៅទៀតនៅពេលដែលអ្នករំងាស់វាកាន់តែយូរ. បើសិនជាមានទឹកស៊ុបតិចពេក, បុគ្គលិកនិងចាក់បន្ថែមមុនពេលដែលខ្ញុំហៅ.
ស្រាសូជូមួយដបនឹងឆាប់អស់ជាមួយនឹងសម្លនេះ, ហាហា.
ខ្ញុំបានចេញមកបន្ទាប់ពីផឹកបន្តិចបន្តួច, ហើយខ្ញុំបានឮសំឡេងមានក្រុមកំពុងតែញ៉ាំអាហារល្ងាចជាច្រើននៅក្នុងបន្ទប់.
ហាងបើកចាប់ពីម៉ោងអាហារថ្ងៃត្រង់រហូតដល់យប់ហើយបិទនៅថ្ងៃអាទិត្យ.
បើសិនជាលោកអ្នកដើរ ១០នាទីចេញពីច្រកចេញទី ១១នៃស្ថានីយទីស្នាក់ការអភិបាលក្រុង, លោកអ្នកនឹងមើលឃើញផ្លាកសញ្ញា.
អាសយដ្ឋាន: ១១-៥ ចុងដុង, ខណ្ឌជុងហ្គូ, ទីក្រុងសេអ៊ូល.
